--- >{ يا يُبه }< ---

يا يُبه حسّ صوتك .. ألتفت له صِدَح ..

مَرّ طيفك عزيزٍ يا حبيبي وغاب 

يا يُبه من غيابك .. غاب معك الفَرَح ..

والحِزِنْ في فؤادي كبْر ذيك الهضاب

يبطي دمع المحاجر .. لو هَطَلْ ما شَرَحْ ..

وش بقلبي من أسى من هموم وعذاب 

من وفاتك حياتي .. اكتست بالتَرَحْ ..

وانكسر غصن قلبٍ من غيابك خراب 

أتعبتك الحياهْ .. وساكنٍ ما سَرَحْ ..

ضيفٍ اثقلْ وأقسى من جبالٍ صِعاب 

المرض في جسدك .. وفي عيونك وِضَحْ ..

واكتسى قلبْ طيبه .. مثل وبل السحاب 

جعل ما جاك والله .. يا أوبيّي طَرَحْ ..

يغفر الله ذنبك بـ احتمال المُصاب

ربي اجعل جِنان الخُلد .. له مُطّرّح ..

رحمتك يا إلهي دعوةٍ تُستجاب